Девяти мучеников Кизических: Феогни́да, Ру́фа, Антипа́тра, Феости́ха, Арте́мы, Ма́гна, Феодо́та, Фавма́сия и Филимо́на (286-299)

Воскресенье, 12 мая 2024 г.

(29 апреля ст.ст.)

Неделя 2-я по Пасхе (Антипасха)

Глас 1, Поста нет

Девяти мучеников Кизических: Феогни́да, Ру́фа, Антипа́тра, Феости́ха, Арте́мы, Ма́гна, Феодо́та, Фавма́сия и Филимо́на (286-299) . прп. Ме́мнона Чудотворца, игумена Египетскаго . прп. Некта́рия Оптинскаго (1928) .

прп. Амфило́хия Почаевского (Головатюка) (1970) . мчч. Диодо́ра и Родопиа́на, диакона (284-305) . свт. Васи́лия Острожского, митрополита (1671) (Серб.) . Трехсот мучеников, в горах Дудиква́ти и Папа́ти (Турция) пострадавших (XVII-XVIII) (Груз.).

Литургия свт. Иоанна Златоуста.

Утр.: Мф.28:16-20 Лит.: Ап.- Деян.5:12-20 Ев.- Ин.20:19-31

Тропари, кондаки, молитвы и величания

Тропари и кондаки дня

Тропарь воскресный, глас 1

Камени запечатану от иудей/ и воином стрегущим Пречистое Тело Твое,/ воскресл еси тридневный, Спасе,/ даруяй мирови жизнь./ Сего ради Силы Небесныя вопияху Ти, Жизнодавче:/ слава Воскресению Твоему, Христе,/ слава Царствию Твоему,// слава смотрению Твоему, едине Человеколюбче.

Кондак воскресный, глас 1

Воскре́сл еси́ я́ко Бо́г из гро́ба во сла́ве, / и ми́р совоскреси́л еси́; / и естество́ челове́ческое я́ко Бо́га воспева́ет Тя́, и сме́рть исчезе́; / Ада́м же лику́ет, Влады́ко; / Е́ва ны́не от у́з избавля́ема ра́дуется, зову́щи: / Ты́ еси́, И́же все́м подая́, Христе́, воскресе́ние.

девяти мученикам Кизическим

Тропарь девяти мученикам Кизическим, глас 8

Святи́и девяточи́сленнии му́ченицы,/ от разли́чных градо́в во еди́н лик совокупи́вшеся ма́нием Боже́ственным,/ му́жественно за Христа́ пострада́сте,/ неви́димаго врага́ победи́сте,/ злове́рныя кня́зи и мучи́тели посрами́сте ва́шим терпе́нием,/ огне́м же любве́ Бо́жия разжиза́еми,/ веще́ственно вас огнь му́чащий в хлад преложи́сте,/ те́мже даде́ся вам от Христа́ Бо́га благода́ть/ тряса́вичную исцеля́ти боле́знь,/ от нея́же и многови́дных страсте́й,// ми́лостивно спаса́йте и нас предста́тельством ва́шим, мо́лимся.

Кондак девяти мученикам Кизическим, глас 2

Тве́рдый и всесве́тлый лик му́ченик девяти́,/ Трисо́лнечнаго Божества́ испове́дницы,/ на суди́щи Тому́ нача́льно взыва́ху:/ кровь и ду́ши на́ша с телесы́,/ я́ко непоро́чную же́ртву, прино́сим Тебе́, Влады́ко,// в ли́цех Небе́сных Твои́х сопричти́, я́ко Бог Ми́лостивый.

Величание девяти мученикам Кизическим

Велича́ем ва́с, святи́и девяточи́сленнии му́ченицы, и чти́м честна́я страда́ния ва́ша, я́же за Христа́ претерпе́ли есте́.

Молитва девяти мученикам Кизическим

О, всехва́льнии святи́и му́ченицы, до́блественнии раби́ Христо́вы, Феогни́де, Ру́фе, Антипа́тре, Феости́хе, Арте́мо, Ма́гне, Феодо́те, Фавма́сие и Филимо́не, и́же Христа́ ра́ди от разли́чных стра́н собра́стеся и Того́ соверше́нна Бо́га и Челове́ка дерзнове́нно в Ки́зице пропове́дасте; принужда́еми бы́вше куми́ром поклони́тися, и́долы попра́сте и кня́зя посрами́сте, разли́чных томле́ний и о́гненных преще́ний не убоя́стеся, и по разли́чнем страда́нии о́стрием меча́ посе́чени бы́сте, и пролия́сте за Христа́ кро́вь свою́, я́ко во́ду, и то́ю, я́ко багряни́цею, Це́рковь Христо́ву, я́ко неве́сту, украси́сте; те́мже и ны́не, увенча́ннии неувяда́емым венце́м безсме́ртныя сла́вы, при́сно в неизглаго́ланней ра́дости с ли́ки а́нгельскими в небе́сных селе́ниих водворя́етеся, Боже́ственным све́том облиста́еми и зре́нием Его́ добро́ты неизрече́нныя наслажда́ющеся. Сего́ ра́ди и мы́, смире́ннии, к ва́м притека́ем и, уми́льно на святы́й ва́ш о́браз взира́юще, мо́лим: вы́ моли́те за ны́ Христа́ Бо́га, я́ко дерзнове́ние к Нему́ иму́щии, да ва́шими святы́ми моли́твами вся́каго неду́га душе́внаго и теле́снаго изба́вимся. Ва́м бо от Бо́га даде́ся враче́бный да́р от вся́ких скорбе́й с ве́рою к ва́м припа́дающия цели́ти, я́коже и о́наго сла́внаго му́жа от тряса́вичныя боле́зни уврачева́сте, да и мы́, ве́рнии, то́жде получи́вше, почита́ем ва́с, святи́и му́ченицы, толи́ка дарова́ния иму́щих от Христа́ Бо́га, Ему́же и сла́ва ку́пно со Отце́м и Ду́хом Святы́м всегда́, ны́не и при́сно и во ве́ки веко́в. Ами́нь.

преподобному Нектарию Оптинскому

Тропарь преподобному Нектарию Оптинскому, глас 3

Чу́днаго Некта́рия в пе́снех духо́вных восхва́лим/ и благоче́стное житие́ того́ ублажи́м,/ я́ко мирско́е мудрова́ние посрами́/ и христолюби́вым лю́дем путь покая́ния показа́./ Сего́ ра́ди ны́не вопие́м:// ра́дуйся, о́тче богому́дре, ве́рным утвержде́ние.

Кондак преподобному Нектарию Оптинскому, глас 8

От ста́рцев смире́нных и богому́дрых, Амвро́сия и Анато́лия,/ от сея́ лучеза́рныя дво́ицы,/ восприя́л еси́ благода́ть окормле́ния ста́рческаго, благоуха́нне о́тче Некта́рие:/ сый свобо́ден от всех, всем себе́ порабо́тил еси́,/ тяготы́ мона́хов и миря́н поне́сл еси́,/ до конца́ испо́лнивый зако́н Христо́в,// от Него́же прия́л еси́ вене́ц нетле́нный.

преподобному Амфилохию Почаевскому

Тропарь преподобному Амфилохию Почаевскому, глас 4

Земли́ Волы́нския пресла́вна подви́жника/ и оби́тели Поча́евския досто́йна насельника/ люде́й правосла́вных изря́дна цели́теля/ яви́ тя́ Це́ркви Свое́й Христо́с Бо́г на́ш,/ преподо́бне о́тче Амфило́хие,/ Ему́ же усе́рдно моли́ся/ от наве́т вра́жиих свободи́тися// и спасти́ся душа́м на́шим.

Ин тропарь преподобному Амфилохию Почаевскому, глас 4

О стра́ждущых лю́дех пла́менный моли́твенниче, посто́м, боре́ньми со страстьми́, бде́нием моли́твенным, дела́ми милосе́рдия любо́вь Цари́цы Небе́сной сниска́в. И́стинныя ве́ры сто́лп бы́л еси́ непоколеби́мый, и Правосла́вия яркий свети́льниче, многонедужным ско́рый помо́щниче и безме́здный цели́телю, по́лчищ де́монских неустраши́мый прогони́телю, в по́двизех вели́ких самому́ Подвигополо́жнику Христу́ и все́м святы́м подража́л еси́, в че́сть Святы́я Тро́ицы трие́х име́н носи́телю: Иа́кове, Ио́сифе и о́тче Амфило́хие, моли́ Всеми́лостиваго Бо́га да очи́стит сердца́ пораженныя грехо́м и Твои́м предста́тельством спасе́т души́ на́ша.

Кондак преподобному Амфилохию Почаевскому, глас 3

Я́ко ве́ры Правосла́вныя ревни́тель и благоче́стнаго жития́ учи́тель, в боле́знех и ско́рбех изря́дный помо́щник и защи́титель, пред Го́сподом предстои́ши преподо́бне Амфило́хие, сего́ ра́ди вопие́м ти́: сохрани́ оби́тель, в не́й же подвиза́лся еси́, и спаса́й на́с моли́твами твои́ми, о́тче блаже́нне.

Молитва преподобному Амфилохию Почаевскому

О, всеблаже́нне о́тче на́ш Амфило́хие, земны́й А́нгеле и небе́сный челове́че! Припа́даем к тебе́ с ве́рою и любо́вию и мо́лим ти́ ся́ приле́жно: яви́ на́м смире́нным и гре́шным свято́е свое́ заступле́ние; се́ бо гре́х ра́ди на́ших не и́мамы дерзнове́ния проси́ти о потре́бах на́ших Го́спода и Влады́ку на́шего, но тебе́, моли́твенника благоприя́тнаго, к Нему́ предлага́ем и про́сим тя́ со усе́рдием мно́гим: испроси́ на́м от бла́гости Его́ благопотре́бная да́ры душа́м и телесе́м на́шим, ве́ру пра́ву, любо́вь ко все́м нелицеме́рну, в злострада́ниих терпе́ние, тя́жкими боле́зньми одержи́мым - от неду́гов исцеле́ние, под бре́менем скорбе́й и напа́стей неудобоноси́мых па́дающих и жития́ своего́ отча́явшихся твои́ми моли́твами получи́ти ско́рое облегче́ние и избавле́ние. Не забу́ди, блаже́нне о́тче, и оби́тель сию́ святу́ю, в не́й же подвиза́лся еси́, при́сно тя́ чту́щую, но соблюди́ ю́ и все́х живу́щих и подвиза́ющихся в не́й и на поклоне́ние в ню́ приходя́щих невреди́мыми от искуше́ний диа́вольских и вся́каго зла́. Егда́ же приспе́ет на́ше от вре́меннаго сего́ жития́ отше́ствие, и к ве́чности преселе́ние, не лиши́ на́с по́мощи твоея́ небе́сныя, но моли́твами твои́ми все́х на́с приведи́ в приста́нище спасе́ния и насле́дники яви́ на́с бы́ти всесве́тлаго Ца́рствия Христо́ва, да пое́м и сла́вим неизрече́нныя щедро́ты Человеколю́бца Бо́га Отца́ и Сы́на и Свята́го Ду́ха и твое́ вку́пе с преподо́бным И́овом оте́ческое заступле́ние во ве́ки веко́в. Ами́нь.

Богослужебные указания ► Типикон, 29 апреля ► Октоих. Глас 1, Вс ► Цветная триодь. 2 седмица, Вс ► Минея, 29 апреля ►

Начало богослужебного дня в 16:00.

Выберите настройки для вашего храма в Личном кабинете.

Богослужебные указания

Богослужебные указания за 12 мая 2024 года

29. Неделя 2-я по Пасхе, апостола Фомы. Антипасха.

Девяти мучеников Кизических. Прп. Мемнона чудотворца. Свт. Василия Острожского. Прп. Амфилохия Почаевского^[1]. Прп. Нектария Оптинского^[2]. Празднество^[3] Пресвятей Владычице нашей Богородице ради Афонския чудотворныя иконы Ея, именуемыя «Сладкое целование»^[4].

Вся служба праздника (по Триоди).

Примечание. «Ведати подобает, яко в сей святой второй Недели Антипасхи: не поются воскресная, но вся праздника» (Типикон, гл. 50, «Неделя Антипасхи»).

Примечание. Службы святых, случившиеся в воскресенья периода Пятидесятницы, переносятся на повечерие (ср.: Типикон, гл. 50, «Неделя Антипасхи», 4-е «зри»); это указание Типикона, впрочем, не относится к службам бденных и полиелейных святых.

В субботу вечером перед 9-м часом (и малой вечерней) затворяются царские врата^[5]. 9-й час читается обычный трехпсалмный. На нем тропарь воскресный 8-го гласа: «С высоты снизшел еси...», и кондак Пасхи: «Аще и во гроб...».

На великой вечерне по возгласе: «Слава Святей, и Единосущней...» поется «Христос воскресе из мертвых...» (трижды), и предначинательный 103-й псалом. («Приидите, поклонимся» обычно опускается.)

«Блажен муж» – кафизма вся.

На «Господи, воззвах» стихиры Триоди, глас 1-й и глас 2-й – 10 (первые четыре стихиры – дважды). «Слава, и ныне» – Триоди, глас 6-й: «Дверем заключенным, пришел еси, Христе...».

Вход. «Свете Тихий». Прокимен дня, глас 6-й: «Господь воцарися...» (со стихами).

На литии стихиры Триоди, глас 4-й и глас 8-й. «Слава, и ныне» – Триоди, глас 8-й: «Дверем заключенным, учеником собранным...».

На стиховне стихиры Триоди, глас 4-й (со своими припевами). «Слава, и ныне» – Триоди, глас 5-й: «Человеколюбче, велие и безприкладное...». (Стихиры Пасхи не поются.)

По Трисвятом – тропарь праздника Триоди (Антипасхи), глас 7-й: «Запечатану гробу...» (трижды).

По возгласе: «Благословение Господне на вас...», певцы: «Аминь».

Примечание. Здесь, по Уставу, полагается чтение: «Чтутся же Деяния от начала или беседы Златоустаго от начала» (Типикон, гл. 50, «Неделя Антипасхи»). «Ведомо же буди, яко от Недели Святыя Пасхи, даже до Недели всех святых, по благословении хлебов, чтутся Деяния святых апостол. В прочия же Недели всего лета чтутся седмь Соборная Послания апостольская, и четыренадесять Посланий святаго апостола Павла, и Откровение святаго апостола Иоанна Богослова» (Типикон, гл. 2, 1-е «зри»). Порядок чтения Типикон при этом не оговаривает.

Чтение совершается следующим образом. Чтец: «Деяния святых апостол благослови, отче, прочести». Священник: «Молитвами святых отец наших...». Чтец: «Аминь», и начинается чтение. По окончании чтения чтец: «Богу нашему слава всегда, ныне и присно, и во веки веков». Другой чтец (по Типикону – предстоятель): «Аминь».

«Христос воскресе из мертвых...» (трижды), и начинается шестопсалмие: «Слава в вышних Богу...».

На утрене на «Бог Господь» – тропарь праздника Триоди (Антипасхи), глас 7-й: «Запечатану гробу...» (дважды). «Слава, и ныне» – тот же тропарь.

Кафизмы 2-я и 3-я. Малые ектении. Седальны праздника (Триоди).

Полиелей. Величание: «Величаем Тя, Живодавче Христе, нас ради во ад сшедшаго и с Собою вся воскресившаго», и избранный псалом. (Воскресные тропари «Ангельский собор...» не поются.) Седален Триоди по полиелее, глас 1-й: «Видя Моя ребра и язвы гвоздей...». «Слава, и ныне» – тот же седален. Степенны – 1-й антифон 4-го гласа. Прокимен, глас 4-й: «Похвали, Иерусалиме, Господа, хвали Бога твоего, Сионе»; стих: «Яко укрепи вереи врат твоих». Евангелие воскресное 1-е – Мф., зач. 116. «Воскресение Христово видевше...» (трижды). По 50-м псалме: «Слава» – «Молитвами апостолов...»; «И ныне» – «Молитвами Богородицы...». «Помилуй мя, Боже...»^[6], и стихира воскресная, глас 6-й: «Воскрес Иисус от гроба...» (единожды).

Канон праздника Триоди (Антипасхи), глас 1-й: «Поим, вси людие...», со ирмосом на 14 (ирмосы по дважды).

Библейские песни «Поем Господеви...»^[7].

Катавасия Пасхи: «Воскресения день...».

По 3-й песни – ипакои Антипасхи, глас 6-й: «Яко посреде учеников...» (единожды).

По 6-й песни – кондак праздника Триоди (Антипасхи), глас 8-й: «Любопытною десницею...», и икос, глас тот же: «Кто сохрани ученичу длань...».

На 9-й песни «Честнейшую» не поем. (Совершается обычное каждение.)

Примечание. Во все Недели (т. е. воскресенья) до отдания Пасхи на воскресной утрене «Честнейшую» не поется. Каждение храма на 9-й песни канона совершается.

По 9-й песни – «Свят Господь Бог наш» (на глас 1-й). Светилен Триоди: «Моих удов...» (дважды). «Слава, и ныне» – ин светилен Триоди: «Днесь весна благоухает...».

«Всякое дыхание...» и хвалитные псалмы.

На хвалитех стихиры Триоди, глас 1-й – 4 (первая стихира – дважды). «Слава» – Триоди, глас 6-й: «По днех осмих востания Твоего...», «И ныне» – «Преблагословенна еси...».

Великое славословие. По Трисвятом – тропарь праздника Триоди (Антипасхи), глас 7-й: «Запечатану гробу...» (единожды). Ектении, и отпуст: «Воскресый из мертвых Христос, Истинный Бог наш, молитвами Пречистыя Своея Матере, святаго славнаго апостола Фомы и всех святых...» (святые храма и дня не поминаются).

Перед 1-м часом на «Слава, и ныне» – стихира евангельская 1-я, глас 1-й: «На гору учеником...» (см. в Триоди).

Примечание. «Начинаются же от днесь литии, сиречь исхождения в притвор. Такожде и Оглашения преподобнаго отца нашего Феодора Студита, в нихже поем: «Слава, и ныне», стихиру евангельскую...» (Триодь Цветная, в Неделю Фомину, на утрене, указание перед евангельской стихирой). «Внемли, яко литии в притворе прежде 1-го часа бывают и Оглашения Студитова. Потом час 1-й, и прочее обычно, и совершенный отпуст» (Типикон, гл. 50, «Неделя Антипасхи», 3-е «зри»). Иными словами: 1) временно прерванные исхождения в притвор по воскресным дням для чтения Оглашений Студитовых и 1-го часа (в последний раз такое исхождение было в Неделю ваий), а по седмичным – для пения литии по усопшим (прекратилось с Великого Четверга) возобновляются с нынешнего дня, т. е. с Недели Антипасхи; 2) когда бывает чтение Оглашений (т. е. по воскресным дням), в притворе сначала произносятся Оглашения Студитовы и поется тропарь прп. Феодора Студита, а потом читается 1-й час; в седмичные же, непраздничные дни сначала читается 1-й час, и притом в храме, а затем уже бывает исхождение в притвор и в нем пение литии о усопших (Розанов В. Богослужебный Устав Православной Церкви. С. 676).

Часы – обычные, трехпсалмные. (Об особенностях часов см. 28 апреля, Общие замечания к богослужению от Фоминой Недели до отдания Пасхи, п. 5.) На часах – тропарь и кондак праздника Триоди (Антипасхи).

Литургия свт. Иоанна Златоуста.

Примечание. «Литургия бывает порану, труда ради бденнаго» (Типикон, гл. 50, «Неделя Антипасхи»).

По возгласe «Благословено Царство...» – «Христос воскресе...» (трижды). На пение тропаря, по традиции, отверзаются царские врата.

Примечание. «Ведомо буди, яко от Недели Новыя и до отдания праздника Пасхи, начало Литургии сице бывает: по еже рещи диакону: Благослови, владыко. И иерей: Благословенно Царство... и поет иерей: Христос воскресе... трижды, весь тропарь, кроме стихов: Да воскреснет Бог... Таже ектения, и прочее Литургии» (Типикон, гл. 50, «Неделя Антипасхи»).

Великая ектения.

Антифоны изобразительны.

Блаженны праздника Триоди, песнь 3-я – 4 (со ирмосом) и 6-я – 4.

На входе: «Приидите, поклонимся... воскресый из мертвых, поющия Ти...».

Примечание. В период от Фоминой Недели до отдания Пасхи на входе Литургии поется: «Приидите, поклонимся... воскресый из мертвых, поющия Ти...».

По входе – тропарь праздника Триоди (Антипасхи), глас 7-й: «Запечатану гробу...». «Слава, и ныне» – кондак праздника Триоди (Антипасхи), глас 8-й: «Любопытною десницею...».

Поется Трисвятое.

Прокимен, глас 3-й: «Велий Господь наш и велия крепость Его, и разума Его несть числа»; стих: «Хвалите Господа, яко благ псалом, Богови нашему да усладится хваление».

Апостол – Деян., 14 зач.

Аллилуиарий, глас 8-й: «Приидите, возрадуемся Господеви...», стих: «Яко Бог велий Господь...».

Евангелие – Ин., 65 зач. (20:19–31).

Задостойник Пасхи: «Ангел вопияше...» – «Светися, светися...».

Причастен: «Похвали, Иерусалиме...».

По возгласе иерея «Со страхом Божиим...» – певцы: «Благословен Грядый...». Иерей: «Спаси, Боже, люди Твоя...». Певцы вместо «Видехом...» поют: «Христос воскресе из мертвых...» (единожды). По возгласе иерея «Всегда, ныне и присно...» певцы поют: «Да исполнятся уста наша...». По возгласе «Слава Тебе, Христе Боже...» поется: «Христос воскресе из мертвых...» (трижды). Отпуст, как и на утрене.

Примечание. «На трапезе бывает утешение братии велие» (Типикон, гл. 50, «Неделя Антипасхи»).

Попразднство Недели Антипасхи продолжается до субботы.

В Неделю Антипасхи вечера совершается великая вечерня со входом и великим прокимном.

Примечание. В период от Фоминой Недели до отдания Пасхи отпуст на всех службах начинается словами: «Воскресый из мертвых...».

¹ На заседании Священного Синода Русской Православной Церкви 14 июля 2018 года был утвержден к общецерковному богослужебному употреблению текст службы прп. Амфилохию Почаевскому. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/5237172.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/424).

² На заседании Священного Синода Русской Православной Церкви 16–17 июля 2020 года был утвержден к общецерковному богослужебному употреблению текст службы преподобному Нектарию Оптинскому. Текст службы размещен на официальном сайте Русской Православной Церкви – Патриархия.ru (http://www.patriarchia.ru/db/text/5664616.html), и на сайте Издательства Московской Патриархии Русской Православной Церкви (http://nbt.rop.ru/?q=texts/sluzhba/514).

³ См.: Минея-Апрель. М., 2002. Ч. 2. С. 317–331.

⁴ Или «Сладкое лобзание», по-гречески – «Гликофилуса» (Παναγία Γλυκοφιλούσα).

⁵ В некоторых храмах при затворении царских врат принято петь тропарь Антипасхи, глас 7-й: «Запечатану гробу...».

⁶ Ср.: Розанов В. Богослужебный Устав Православной Церкви. С. 674.

⁷ В тех храмах, где предписание Устава о соединении канона с пением библейских пророческих песней остается трудноисполнимым, допустимо стихи из песней Священного Писания заменять особыми припевами. Канон праздника Триоди (Антипасхи), по традиции, поется с припевом: «Слава Тебе, Боже наш, слава Тебе» (ср.: Иоанн (Маслов), схиархим. Лекции по Литургике. М., 2002. С. 289).

Богослужебные указания с сайта Патриархии на каждый день.

⏶ Закрыть богослужебные указания

Великая Вечерня

Диакон: Воста́ните!

Лик: Го́споди, благослови́!

Священник, изображая кадилом крест перед престолом: Сла́ва Святе́й, и Единосу́щней, и Животворя́щей, и Неразде́льней Тро́ице всегда́, ны́не и при́сно, и во ве́ки веко́в.

Лик: Ами́нь.

Священнослужители в алтаре:

Христо́с воскре́се из ме́ртвых, сме́ртию сме́рть попра́в, и су́щым во гробе́х живо́т дарова́в. (Дважды)

Христо́с воскре́се из ме́ртвых, сме́ртию сме́рть попра́в,

Лик: и су́щым во гробе́х живо́т дарова́в.

В алтаре

Затем совершается полное каждение храма при пении избранных стихов предначинательного псалма 103. По Уставу после каждения при пении 2-й половины 103 псалма священник, стоя с непокрытой головой перед Царскими вратами, должен читать светильничные молитвы. На практике, однако, молитвы читаются во время мирной ектении, а при служении одним священником без диакона — опускаются

Лик: Благослови́, душе́ моя́, Го́спода. Благослове́н еси́, Го́споди. Го́споди, Бо́же мой, возвели́чился еси́ зело́. Благослове́н еси́, Го́споди. Во испове́дание и в велеле́поту обле́клся еси́. Благослове́н еси́, Го́споди. Посреде́ гор про́йдут во́ды. Ди́вна дела́ Твоя́, Го́споди. Вся прему́дростию сотвори́л еси́. Сла́ва Ти, Го́споди, сотвори́вшему вся.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды).

Светильничные молитвы

Молитва первая:

Го́споди ще́дрый и ми́лостивый, долготерпели́ве и многоми́лостиве, внуши́ моли́тву на́шу, и вонми́ гла́су моле́ния на́шего, сотвори́ с на́ми зна́мение во бла́го, наста́ви нас на путь Твой, е́же ходи́ти во и́стине Твое́й, возвесели́ сердца́ на́ша, во е́же боя́тися и́мене Твоего́ свята́го. Зане́ ве́лий еси́ Ты и творя́й чудеса́, Ты еси́ Бог еди́н, и несть подо́бен Тебе́ в бозе́х, Го́споди: си́лен в ми́лости и благ в кре́пости, во е́же помога́ти, и утеша́ти, и спаса́ти вся упова́ющия во и́мя свято́е Твое́.

Молитва вторая:

Го́споди, да не я́ростию Твое́ю обличи́ши нас, ниже́ гне́вом Твои́м нака́жеши нас, но сотвори́ с на́ми по ми́лости Твое́й, Врачу́ и Исцели́телю душ на́ших. Наста́ви нас ко Приста́нищу хоте́ния Твоего́, просвети́ о́чи серде́ц на́ших в позна́ние Твоея́ и́стины; и да́руй нам про́чее настоя́щаго дне ми́рное и безгре́шное, и все вре́мя живота́ на́шего, моли́твами святы́я Богоро́дицы и всех святы́х.

Молитва третия:

Го́споди Бо́же наш, помяни́ нас, гре́шных и непотре́бных раб Твои́х, внегда́ призыва́ти нам свято́е и́мя Твое́, и не посрами́ нас от ча́яния ми́лости Твоея́, но да́руй нам, Го́споди, вся я́же ко спасе́нию проше́ния, и сподо́би нас люби́ти, и боя́тися Тебе́ от всего́ се́рдца на́шего, и твори́ти во всех во́лю Твою́.

Молитва четвертая:

Немо́лчными пе́сньми и непреста́нными славословле́ньми от святы́х Си́л воспева́емый, испо́лни уста́ на́ша хвале́ния Твоего́, е́же пода́ти вели́чествие и́мени Твоему́ свято́му. И да́ждь нам уча́стие и насле́дие со все́ми боя́щимися Тебе́ и́стиною, и храня́щими за́поведи Твоя́, моли́твами святы́я Богоро́дицы и всех святы́х Твои́х.

Молитва пятая:

Го́споди, Го́споди, пречи́стою Твое́ю дла́нию содержа́й вся́ческая, долготерпя́й на всех нас, и ка́яйся о зло́бах на́ших, помяни́ щедро́ты Твоя́, и ми́лость Твою́, посети́ ны Твое́ю бла́гостию и да́ждь нам избежа́ти и про́чее настоя́щаго дне Твое́ю благода́тию от разли́чных ко́зней лука́ваго, и ненаве́тну жизнь на́шу соблюди́ благода́тию всесвята́го Твоего́ Ду́ха.

Молитва шестая:

Бо́же вели́кий и ди́вный, неисповеди́мою бла́гостию и бога́тым про́мыслом управля́яй вся́ческая, и мирска́я нам блага́я дарова́вый, и поручи́вый нам обеща́нное Ца́рство, обеща́нными благи́ми; путесотвори́вый нам и дне преше́дшую ча́сть от вся́каго уклони́тися зла: да́руй нам и про́чее непоро́чно соверши́ти, пред свято́ю сла́вою Твое́ю, пе́ти Тя, Еди́наго блага́го и человеколюби́ваго Бо́га на́шего.

Молитва седмая:

Бо́же вели́кий и вы́шний, Еди́н име́яй безсме́ртие, во све́те живы́й непристу́пнем, всю́ тварь прему́дростию созда́вый, раздели́вый между́ све́том и между́ тьмо́ю, и со́лнце положи́вый во о́бласть дне, луну́ же и зве́зды во о́бласть но́щи, сподо́бивый нас, гре́шных, и в настоя́щий ча́с предвари́ти лице́ Твое́ испове́данием, и вече́рнее Тебе́ славосло́вие принести́. Сам,Человеколю́бче, испра́ви моли́тву на́шу я́ко кади́ло пред Тобо́ю, и приими́ ю́ в воню́ благоуха́ния, пода́ждь же нам настоя́щий ве́чер, и приходя́щую но́щь ми́рну, облецы́ ны во ору́жие све́та, изба́ви ны от стра́ха нощна́го и вся́кия ве́щи, во тьме́ преходя́щия, и да́ждь со́н, его́же во упокое́ние не́мощи на́шей дарова́л еси́, вся́каго мечта́ния диа́воля отчужде́нный. Ей Влады́ко, благи́х пода́телю, да и на ло́жах на́ших умиля́ющеся, помина́ем в нощи́ и́мя Твое́, и поуче́нием Твои́х за́поведей просвеща́еми, в ра́дости душе́вней воста́нем ко славосло́вию Твоея́ бла́гости, моле́ния и молитвы Твоему́ благоутро́бию принося́ще, о свои́х согреше́ниих и всех люде́й Твои́х, я́же моли́твами святы́я Богоро́дицы, ми́лостию посети́.

По окончании предначинательного псалма диакон, выйдя северными вратами и став, как обычно на амвоне, произносит великую ектению.

Ектения великая

Диакон: Ми́ром Го́споду помо́лимся.

Лик: Го́споди, поми́луй.

Диакон: О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

Диакон: О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

Диакон: О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

Диакон: О Вели́ком Господи́не и отце́ на́шем, Святе́йшем Патриа́рхе Кири́лле, и о господи́не на́шем преосвяще́ннейшем митрополи́те (или архиепи́скопе, или епи́скопе) (имяре́к), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

Диакон: О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

Диакон: О гра́де сем, вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

Диакон: О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

Диакон: О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

Диакон: О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Диакон: Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

И священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Кафизма 1

Псалом 1

Псало́м Дави́ду. Блаже́н му́ж, и́же не и́де на сове́т нечести́вых, и на пути́ гре́шных не ста́, и на седа́лищи губи́телей не се́де: но в зако́не Госпо́дни во́ля его́, и в зако́не Его́ поучи́тся де́нь и но́щь. И бу́дет я́ко дре́во насажде́ное при исхо́дищих во́д, е́же пло́д сво́й да́ст во вре́мя свое́, и ли́ст его́ не отпаде́т: и вся́, ели́ка а́ще твори́т, успе́ет. Не та́ко нечести́вии, не та́ко: но я́ко пра́х, его́же возмета́ет ве́тр от лица́ земли́. Сего́ ра́ди не воскре́снут нечести́вии на су́д, ниже́ гре́шницы в сове́т пра́ведных. Я́ко ве́сть Госпо́дь пу́ть пра́ведных, и пу́ть нечести́вых поги́бнет.

Псалом 2

Псало́м Дави́ду. Вску́ю шата́шася язы́цы, и лю́дие поучи́шася тще́тным? Предста́ша ца́рие зе́мстии, и кня́зи собра́шася вку́пе на Го́спода и на Христа́ Его́. Расто́ргнем у́зы и́х и отве́ржем от на́с и́го и́х. Живы́й на небесе́х посмее́тся и́м, и Госпо́дь поруга́ется и́м. Тогда́ возглаго́лет к ни́м гне́вом Свои́м и я́ростию Свое́ю смяте́т я́: А́з же поста́влен е́смь Ца́рь от Него́ над Сио́ном, горо́ю свято́ю Его́, возвеща́яй повеле́ние Госпо́дне. Госпо́дь рече́ ко Мне́: Сы́н Мо́й еси́ Ты́, А́з дне́сь роди́х Тя́: проси́ от Мене́, и да́м ти́ язы́ки достоя́ние Твое́, и одержа́ние Твое́ концы́ земли́: упасе́ши я́ жезло́м желе́зным, я́ко сосу́ды скуде́льничи сокруши́ши я́. И ны́не, ца́рие, разуме́йте, накажи́теся вси́ судя́щии земли́. Рабо́тайте Го́сподеви со стра́хом, и ра́дуйтеся Ему́ со тре́петом. Приими́те наказа́ние, да не когда́ прогне́вается Госпо́дь, и поги́бнете от пути́ пра́веднаго, егда́ возгори́тся вско́ре я́рость Его́: блаже́ни вси́ наде́ющиися На́нь.

Псалом 3

Псало́м Дави́ду, внегда́ отбега́ше от лица́ Авессало́ма сы́на своего́. Го́споди, что́ ся умно́жиша стужа́ющии ми́? Мно́зи востаю́т на мя́, мно́зи глаго́лют души́ мое́й: не́сть спасе́ния ему́ в Бо́зе его́. Ты́ же, Го́споди, засту́пник мо́й еси́, сла́ва моя́, и вознося́й главу́ мою́. Гла́сом мои́м ко Го́споду воззва́х, и услы́ша мя́ от горы́ святы́я Своея́. А́з усну́х, и спа́х, воста́х, я́ко Госпо́дь засту́пит мя́. Не убою́ся от те́м люди́й, о́крест напа́дающих на мя́. Воскре́сни́, Го́споди, спаси́ мя, Бо́же мо́й: я́ко Ты́ порази́л еси́ вся́ вражду́ющыя ми́ всу́е, зу́бы гре́шников сокруши́л еси́. Госпо́дне е́сть спасе́ние, и на лю́дех Твои́х благослове́ние Твое́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Возглашение: Я́ко Твоя́ держа́ва, и Твое́ есть ца́рство, и си́ла, и сла́ва, Отца́ и Сы́на и Свята́го Ду́ха, ныне, и при́сно, и во ве́ки веко́в.

Лик: Ами́нь.

Псалом 4

В коне́ц, в пе́снех, псало́м Дави́ду. Внегда́ призва́ти ми́, услы́ша мя́ Бо́г пра́вды моея́: в ско́рби распространи́л мя́ еси́: уще́дри мя́ и услы́ши моли́тву мою́. Сы́нове челове́честии, доко́ле тяжкосе́рдии? Вску́ю лю́бите суету́ и и́щете лжи́? И уве́дите, я́ко удиви́ Госпо́дь преподо́бнаго Своего́. Госпо́дь услы́шит мя́, внегда́ воззва́ти ми́ к Нему́. Гне́вайтеся, и не согреша́йте, я́же глаго́лете в сердца́х ва́ших, на ло́жах ва́ших умили́теся: пожри́те же́ртву пра́вды и упова́йте на Го́спода. Мно́зи глаго́лют: кто́ яви́т на́м блага́я? Зна́менася на на́с све́т лица́ Твоего́, Го́споди. Да́л еси́ весе́лие в се́рдцы мое́м: от плода́ пшени́цы, вина́ и еле́а своего́ умно́жишася: в ми́ре вку́пе усну́ и почи́ю, я́ко Ты́, Го́споди, еди́наго на упова́нии всели́л мя́ еси́.

Псалом 5

О насле́дствующем, псало́м Дави́ду. Глаго́лы моя́ внуши́, Го́споди, разуме́й зва́ние мое́. Вонми́ гла́су моле́ния моего́, Царю́ мо́й и Бо́же мо́й: я́ко к Тебе́ помолю́ся, Го́споди. Зау́тра услы́ши гла́с мо́й: зау́тра предста́ну Ти́, и у́зриши мя́: я́ко Бо́г не хотя́й беззако́ния Ты́ еси́: не присели́тся к Тебе́ лука́внуяй, ниже́ пребу́дут беззако́нницы пред очи́ма Твои́ма: возненави́дел еси́ вся́ де́лающыя беззако́ние, погуби́ши вся́ глаго́лющыя лжу́: му́жа крове́й и льсти́ва гнуша́ется Госпо́дь. А́з же мно́жеством ми́лости Твоея́ вни́ду в до́м Тво́й, поклоню́ся ко хра́му свято́му Твоему́, в стра́се Твое́м. Го́споди, наста́ви мя́ пра́вдою Твое́ю, вра́г мои́х ра́ди испра́ви пред Тобо́ю пу́ть мо́й. Я́ко не́сть во усте́х и́х и́стины, се́рдце и́х су́етно, гро́б отве́рст горта́нь и́х, язы́ки свои́ми льща́ху. Суди́ и́м, Бо́же, да отпаду́т от мы́слей свои́х: по мно́жеству нече́стия и́х изри́ни я́, я́ко преогорчи́ша Тя́, Го́споди. И да возвеселя́тся вси́ упова́ющии на Тя́, во ве́к возра́дуются, и всели́шися в ни́х: и похва́лятся о Тебе́ лю́бящии и́мя Твое́. Я́ко Ты́ благослови́ши пра́ведника, Го́споди, я́ко ору́жием благоволе́ния венча́л еси́ на́с.

Псалом 6

В коне́ц, в пе́снех о осме́м, псало́м Дави́ду. Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Поми́луй мя́, Го́споди, я́ко не́мощен е́смь: изцели́ мя, Го́споди, я́ко смято́шася ко́сти моя́, и душа́ моя́ смяте́ся зело́: и Ты́, Го́споди, доко́ле? Обрати́ся, Го́споди, изба́ви ду́шу мою́, спаси́ мя ра́ди ми́лости Твоея́: я́ко не́сть в сме́рти помина́яй Тебе́, во а́де же кто́ испове́стся Тебе́? Утруди́хся воздыха́нием мои́м, измы́ю на вся́ку но́щь ло́же мое́, слеза́ми мои́ми посте́лю мою́ омочу́. Смяте́ся от я́рости о́ко мое́, обетша́х во все́х вразе́х мои́х. Отступи́те от мене́, вси́ де́лающии беззако́ние, я́ко услы́ша Госпо́дь гла́с пла́ча моего́, услы́ша Госпо́дь моле́ние мое́, Госпо́дь моли́тву мою́ прия́т. Да постыдя́тся и смяту́тся вси́ врази́ мои́, да возвратя́тся и устыдя́тся зело́ вско́ре.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Лик: Тебе́, Го́споди.

Возглашение: Я́ко благ и Человеколю́бец Бог еси́, и Тебе́ сла́ву возсылае́м, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Лик: Ами́нь.

Псалом 7

Псало́м Дави́ду, его́же воспе́т Го́сподеви о словесе́х Хуси́евых, сы́на Иемени́ина. Го́споди Бо́же мо́й, на Тя́ упова́х, спаси́ мя от все́х гоня́щих мя́ и изба́ви мя́: да не когда́ похи́тит я́ко ле́в ду́шу мою́, не су́щу избавля́ющу, ниже́ спаса́ющу. Го́споди Бо́же мо́й, а́ще сотвори́х сие́, а́ще е́сть непра́вда в руку́ мое́ю, а́ще возда́х воздаю́щым ми́ зла́, да отпаду́ у́бо от вра́г мои́х то́щ: да пожене́т у́бо вра́г ду́шу мою́, и да пости́гнет, и попере́т в зе́млю живо́т мо́й, и сла́ву мою́ в пе́рсть всели́т. Воскре́сни́, Го́споди, гне́вом Твои́м, вознеси́ся в конца́х вра́г Твои́х, и воста́ни, Го́споди Бо́же мо́й, повеле́нием, и́мже запове́дал еси́, и со́нм люди́й обы́дет Тя́: и о то́м на высоту́ обрати́ся. Госпо́дь су́дит лю́дем: суди́ ми, Го́споди, по пра́вде мое́й и по незло́бе мое́й на мя́. Да сконча́ется зло́ба гре́шных, и испра́виши пра́веднаго, испыта́яй сердца́ и утро́бы, Бо́же, пра́ведно. По́мощь моя́ от Бо́га, спаса́ющаго пра́выя се́рдцем. Бо́г суди́тель пра́веден, и кре́пок, и долготерпели́в, и не гне́в наводя́й на вся́к де́нь. А́ще не обратите́ся, ору́жие Свое́ очи́стит, лу́к Сво́й напряже́, и угото́ва и́, и в не́м угото́ва сосу́ды сме́ртныя, стре́лы Своя́ сгара́емым соде́ла. Се́, боле́ непра́вдою, зача́т боле́знь и роди́ беззако́ние: ро́в изры́ и ископа́ и́, и паде́т в я́му, ю́же соде́ла. Обрати́тся боле́знь его́ на главу́ его́, и на ве́рх его́ непра́вда его́ сни́дет. Испове́мся Го́сподеви по пра́вде Его́ и пою́ и́мени Го́спода Вы́шняго.

Псалом 8

В коне́ц, о точи́лех, псало́м Дави́ду. Го́споди Госпо́дь на́ш, я́ко чу́дно и́мя Твое́ по все́й земли́, я́ко взя́тся великоле́пие Твое́ превы́ше небе́с. Из у́ст младе́нец и ссу́щих соверши́л еси́ хвалу́, вра́г Твои́х ра́ди, е́же разруши́ти врага́ и ме́стника. Я́ко узрю́ небеса́, дела́ пе́рст Твои́х, луну́ и зве́зды, я́же Ты́ основа́л еси́: что́ е́сть челове́к, я́ко по́мниши его́? Или́ сы́н челове́чь, я́ко посеща́еши его́? Ума́лил еси́ его́ ма́лым чи́м от А́нгел, сла́вою и че́стию венча́л еси́ его́: и поста́вил еси́ его́ над де́лы руку́ Твое́ю, вся́ покори́л еси́ под но́зе его́: о́вцы и волы́ вся́, еще́ же и скоты́ польски́я, пти́цы небе́сныя и ры́бы морски́я, преходя́щыя стези́ морски́я. Го́споди Госпо́дь на́ш, я́ко чу́дно и́мя Твое́ по все́й земли́.

Чтец: Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Аллилу́иа, аллилу́иа, аллилу́иа, сла́ва Тебе́ Бо́же. (Трижды)

Ектения малая

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Лик: Тебе́, Го́споди.

Возглашение: Я́ко Ты еси́ Бог наш, Бог ми́ловати и спаса́ти, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веков.

Лик: Ами́нь.

«Господи, воззвах»

Поются псалмы 140, 141, 129, 116 со стихирами на “Господи, воззвах”; в это время диакон совершает полное каждение храма

Первый лик: Го́споди, воззва́х к Тебе́, услы́ши мя. / Услы́ши мя, Го́споди.

Го́споди, воззва́х к Тебе́, услы́ши мя: / вонми́ гла́су моле́ния моего́, / внегда́ воззва́ти ми к Тебе́. / Услы́ши мя, Го́споди.

Второй лик: Да испра́вится моли́тва моя́, / я́ко кади́ло пред Тобо́ю, / воздея́ние руку́ мое́ю / – же́ртва вече́рняя. / Услы́ши мя, Го́споди.

И по чину стихи: Положи́, Го́споди, хране́ние усто́м мои́м, и дверь огражде́ния о устна́х мои́х. Не уклони́ се́рдце мое́ в словеса́ лука́вствия, непщева́ти вины́ о гресе́х, с челове́ки де́лающими беззако́ние, и не сочту́ся со избра́нными их. Нака́жет мя пра́ведник ми́лостию и обличи́т мя, еле́й же гре́шнаго да не нама́стит главы́ моея́, я́ко еще́ и моли́тва моя́ во благоволе́ниих их. Поже́рты бы́ша при ка́мени судии́ их: услы́шатся глаго́ли мои́, я́ко возмого́ша. Я́ко то́лща земли́ просе́деся на земли́, расточи́шася ко́сти их при а́де. Я́ко к Тебе́, Го́споди, Го́споди, о́чи мои́: на Тя упова́х, не отыми́ ду́шу мою́. Сохрани́ мя от се́ти, ю́же соста́виша ми, и от собла́зн де́лающих беззако́ние. Паду́т во мре́жу свою́ гре́шницы: еди́н есмь аз, до́ндеже прейду́.

Гла́сом мои́м ко Го́споду воззва́х, гла́сом мои́м ко Го́споду помоли́хся. Пролию́ пред Ним моле́ние мое́, печа́ль мою́ пред Ним возвещу́. Внегда́ исчеза́ти от мене́ ду́ху моему́: и Ты позна́л еси́ стези́ моя́: на пути́ сем, по нему́же хожда́х, скры́ша сеть мне. Смотря́х одесну́ю и возгля́дах, и не бе зна́яй мене́: поги́бе бе́гство от мене́, и несть взыска́яй ду́шу мою́. Воззва́х к Тебе́, Го́споди, рех: Ты еси́ упова́ние мое́, часть моя́ еси́ на земли́ живы́х. Вонми́ моле́нию моему́, я́ко смири́хся зело́, изба́ви мя от гоня́щих мя, я́ко укрепи́шася па́че мене́.

На 10, стихиры: Изведи́ из темни́цы ду́шу мою́, / испове́датися и́мени Твоему́.

Антипасхи на 10 Глас 1: Две́рем заключе́нным, ученико́м собра́нным, вше́л еси́ внеза́пу всеси́льне Иису́се Бо́же на́ш, и ста́в посреде́ и́х ми́р да́в, испо́лнил еси́ Свята́го Ду́ха: жда́ти же повеле́л еси́, и ника́коже разлуча́тися от Иерусали́ма, до́ндеже облеку́тся е́же с высоты́ си́лою. Те́мже вопие́м Ти́: просвеще́ние и Воскресе́ние и ми́ре на́ш, сла́ва тебе́.

Сти́х: Мене́ ждут пра́ведницы / до́ндеже возда́си Мне.

Глас 1: Две́рем заключе́нным, ученико́м собра́нным, вше́л еси́ внеза́пу всеси́льне Иису́се Бо́же на́ш, и ста́в посреде́ и́х ми́р да́в, испо́лнил еси́ Свята́го Ду́ха: жда́ти же повеле́л еси́, и ника́коже разлуча́тися от Иерусали́ма, до́ндеже облеку́тся е́же с высоты́ си́лою. Те́мже вопие́м Ти́: просвеще́ние и Воскресе́ние и ми́ре на́ш, сла́ва тебе́.

На 8, cти́х: Из глубины́ воззва́х к Тебе́ Го́споди, / Го́споди, услы́ши глас мой.

Глас 1: По дне́х осми́х воста́ния Твоего́ Го́споди, яви́лся еси́ ученико́м Твои́м на ме́сте, иде́же бя́ху со́брани, и возгласи́в и́м: ми́р ва́м, неве́рующему ученику́ ру́це показа́л еси́, и пречи́стое ребро́. Он же ве́ровав вопия́ше Тебе́: Госпо́дь мо́й и Бо́г мо́й, сла́ва Тебе́.

Сти́х: Да бу́дут у́ши Твои́ / вне́млюще гла́су моле́ния моего́.

На 6, cти́х: А́ще беззако́ния на́зриши, Го́споди, Го́споди, кто постои́т? / Я́ко у Тебе́ очище́ние есть.

Глас 1: Фома́, глаго́лемый Близне́ц, не бе́ с ни́ми, егда́ вше́л еси́, Христе́, заключе́нным две́рем: те́мже и не ве́роваше рече́нным ему́, от неве́рия в ве́ру известву́я. Не несподо́бил же еси́ Бла́же, показа́ти ему́ пречи́стое ребро́ Твое́, и руку́ и ногу́ я́звы: о́н же осяза́в и ви́дев, испове́да Тебе́ бы́ти Бо́га не на́га, и Челове́ка не про́ста, и вопия́ше: Госпо́дь мо́й и Бо́г мо́й, сла́ва Тебе́.

Сти́х: И́мене ра́ди Твоего́ потерпе́х Тя, Го́споди, потерпе́ душа́ моя́ в сло́во Твое́, / упова́ душа́ моя́ на Го́спода.

На 4, cти́х: От стра́жи у́тренния до но́щи, от стра́жи у́тренния, / да упова́ет Изра́иль на Го́спода.

Глас 1: Ученико́м сомня́щымся, во осмы́й де́нь предста́ Спа́с, иде́же бя́ху со́брани, и ми́р да́в, Фоме́ возопи́: прииди́ апо́столе, осяжи́ дла́ни, в ни́хже гво́здия вонзо́ша. О до́брое неве́рие Фомино́, ве́рных сердца́ в позна́ние приведе́, и со стра́хом возопи́: Госпо́дь мо́й и Бо́г мо́й, сла́ва Тебе́.

Сти́х: Я́ко у Го́спода ми́лость, и мно́гое у Него́ избавле́ние, и То́й изба́вит Изра́иля от все́х беззако́ний его́.

На 2, cти́х: Хвали́те Го́спода вси́ язы́цы, похвали́те Его́ вси́ лю́дие.

Глас 2: По воста́нии Твое́м Го́споди, собра́нным ученико́м Твои́м, и две́рем заключе́нным, посреде́ ста́л еси́, ми́р подая́ и́м. Ве́ровав же и Фома́ зре́нием руку́ и ре́бр Твои́х, Го́спода и Бо́га Тя́ испове́да, спаса́ющаго упова́ющыя на Тя́ Человеколю́бче.

Сти́х: Я́ко утверди́ся ми́лость Его́ на на́с, и и́стина Госпо́дня пребыва́ет во ве́к.

Глас 2: Две́рем заключе́нным, предста́в Иису́с ученико́м, безстра́шие и ми́р дая́ше, та́же глаго́лет Фоме́: почто́ Мне́ не ве́руеши, я́ко воскресо́х из ме́ртвых? принеси́ се́мо ру́ку твою́, и вложи́ в ре́бра Моя́, и ви́ждь. Тебе́ бо неве́рующу, вси́ навыко́ша стра́сти и Воскресе́ние Мое́ зва́ти с тобо́ю: Госпо́дь мо́й и Бо́г мо́й, сла́ва Тебе́.

Сла́ва Отцу́, и Сы́ну, и Свято́му Ду́ху, и ны́не, и при́сно, и во ве́ки веко́в. Ами́нь.

Глас 6: Две́рем заключе́нным, прише́л еси́ Христе́ ко ученико́м, тогда́ Фома́ смотри́тельно не обре́теся с ни́ми. Глаго́лаше бо: не иму́ ве́ры, а́ще не уви́жду и а́з влады́ки. Уви́жду ребро́, отону́дуже изы́де кро́вь, вода́, креще́ние. уви́жду я́зву, от нея́же исцеле́ вели́кий стру́п челове́ческий. Уви́жду, ка́ко не бе́, я́коже ду́х, но пло́ть и ко́сти. Сме́рть попра́вый, и Фому́ уве́ривый, Го́споди сла́ва Тебе́.

В алтаре

Когда совершается Великая вечерня, то во время пения заключительной стихиры открываются Царские врата и совершается вход с кадилом. Священник с диаконом в предшествии свещеносцев исходят из алтаря северной дверью и становятся на обычном месте перед Царскими вратами.

Диакон: Благослови́, влады́ка, свято́й вход!

Священник: Благослове́н вход святы́х Твои́х всегда́, ны́не и при́сно, и во ве́ки веко́в.

Диакон, изображая крест кадилом, возглашает: Прему́дрость, про́сти.

В алтаре

Диакон входит в алтарь, а за ним и священник, оба отходят на горнее место.

Вечерняя песнь Сыну Божию

Све́те Ти́хий святы́я сла́вы, / Безсме́ртнаго, Отца́ Небе́снаго, / Свята́го Блаже́ннаго, Иису́се Христе́. / Прише́дше на за́пад со́лнца, / ви́девше свет вече́рний, / пое́м Отца́, Сы́на и Свята́го Ду́ха, Бо́га. / Досто́ин еси́ во вся времена́ / пе́т бы́ти гла́сы преподо́бными, / Сы́не Бо́жий, живо́т дая́й, / те́мже мiр Тя сла́вит.

Диакон: Во́нмем.

Священник: Мир всем.

Лик: И ду́хови твоему́.

Прокимен

В субботу вечера, глас 6:

Диакон: Прему́дрость. Во́нмем. Проки́мен, глас 6.

Госпо́дь воцари́ся, / в ле́поту облече́ся.

Лик: Госпо́дь воцари́ся, / в ле́поту облече́ся.

Диакон: Облече́ся Госпо́дь в си́лу и препоя́сася.

Лик: Госпо́дь воцари́ся, / в ле́поту облече́ся.

Диакон: И́бо утверди́ вселе́нную, я́же не подви́жится.

Лик: Госпо́дь воцари́ся, / в ле́поту облече́ся.

Диакон: До́му Твоему́ подоба́ет святы́ня, Го́споди, в долготу́ дний.

Лик: Госпо́дь воцари́ся, / в ле́поту облече́ся.

Диакон: Госпо́дь воцари́ся

Лик: В ле́поту облече́ся.

Ектения сугубая

Диакон: Рцем вси от всея́ души́, и от всего́ помышле́ния на́шего рцем.

Лик: Го́споди, поми́луй.

Диакон: Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Диакон: Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.